कीर्तन की है रात, बाबा आज
स्थाई:- कीर्तन की है रात, बाबा आज थांने आणो है।
थांने कोल निभाणो है।।
दरबार सांवरियाँ ,ऐसो सज्यो प्यारो,
दयालू आपको,
सेवा में सांवरियाँ, सगळा खड़्या दीखे,
हुकम बस आपको,
सेवा में थांरी, म्हाने आज बिछ जाणो है,
थांने कोल निभाणो है।।
कीर्तन की है त्यारी, कीर्तन करा जमकर,
प्रभु क्यूं देर करो।
वादो थांरो दाता, कीर्तन में आणे को,
घणी क्यूं देर करो,
भजनां सूं थांने, म्हाने आज रिझाणो है,
थांने कोल निभाणो है।।
जो कुछ बण्यो म्हासूं, अर्पण करा थांने,
प्रभु स्वीकार करो,
नादान सूं गलती, होती ही आई है,
प्रभु मत ध्यान करो,
नन्दू सांवरियाँ, थांरो दास पुराणो है,
थांने कोल निभाणो है।।
कीर्तन की है रात, कीर्तन की है रात,
बाबा आज थांने आणो है।
थांने कोल निभाणो है।।
✽✽✽✽✽
यह भजन भी देखे
.png)
0 टिप्पणियाँ