राज रे नहीं पोपों बाई रो..
स्थाई: थारे लेखो रे लेवेला राई राई रो,
हाँ रे राज रे कोनी पोपों बाई रो ।
थारे लेखो रे लेवेला राई राई रो,
हाँरे राज रे नहीं पोपों बाई रो ॥
नवदश मास गर्भ में राखियो,
नोंव नहीं लियो रघुराई रो।
थारे लेखो रे लेवेला राई राई रो,
हां रे राज रे कोनी पोपों बाई रो ॥
कूड़ रे कपट कर माया जोड़ी,
दोन नहीं दियो एक पाई रो ।
थारो लेखो रे लेवेला राई राई रो,
हाँरे राज रे कोनी पोपों बाई रो ॥
मात पिता रे थारे कुटुम कबीलो,
जोर नहीं लागे सगा भाई रो ।
थारे लेखो रे लेवेला राई राई रो,
हाँरे राजरे कीनी पोपों बाई रो ॥
तुलसी रे दास भगती री रे महिमा,
जोर नहीं लागे रे जमराई रो ।
थारे लेखो रे लेवेला राई राई रो,
आगे राज रे नहीं पोपों बाई रो ॥
✽✽✽✽✽
❤ यह भजन भी देखे ❤
.png)
0 टिप्पणियाँ