भवानी दायमी ए थारे नौबत बाजे
स्थाई:- कठे जाई ने कठे ऊपनी ए मैया, कठोड़े लियो विसराम।
भवानी दायमी ए, थारे नौबत बाजे ए, थारे झालर बाजे ए।।
कोटे जाई ने बूंदी ऊपनी ए मैया, बिलाड़े लियो ए विसराम।
भवानी दायमी ए, थारे नौबत बाजे ए, थारे झालर बाजे ए।।
बाजा तो बाज्या थारे देवरे ए मैया, बाज्या है चारुं खुंट।
भवानी दायमी ए, थारे नौबत बाजे ए, थारे झालर बाजे ए।।
कुण जी चुणायो थांरो देवरो ए मैया, कुणजी दिराई नींव।
भवानी दायमी ए, थारे नौबत बाजे ए, थारे झालर बाजे ए।।
कानों में सोवे थारे झूठणा ए मैया, बिन्दियां तपे रे लिलाड़।
भवानी दायमी ए, थारे नौबत बाजे ए, थारे झालर बाजे ए।।
बांझड़ चुणायो थांरो देवरो ए मैया, नींव लूलेड़े री माँय।
भवानी दायमी ए, थारे नौबत बाजे ए, थारे झालर बाजे ए।।
घेर घुमालो गागरो ए मैया, ओढ़ण दिखणी रो चीर।
भवानी दायमी ए, थारे नौबत बाजे ए, थारे झालर बाजे ए।।
अंग में सोवे काँचली ए मैया, हिवड़े नवसर हार।
भवानी दायमी ए, थारे नौबत बाजे ए, थारे झालर बाजे ए।।
नखल्यां मेहन्दी राचणी ए मैया, चुड़ले चूड़ मजीठ।
भवानी दायमी ए, थारे नौबत बाजे ए, थारे झालर बाजे ए।।
पगल्यां पायल बाजणी ए मैया, बिछियाँ री झणकार।
भवानी दायमी ए, थारे नौबत बाजे ए, थारे झालर बाजे ए।।
✽✽✽✽✽
यह भजन भी देखे
.png)
0 टिप्पणियाँ