Mhaane Pyara Ghana Lage Hai Bhajan Lyrics म्हाने प्यारा घणा लागे है, बाबा

म्हाने प्यारा घणा लागे है, बाबा....... 

दोहा:- कुंकुं पगल्या मांडिया, द्वारिका रा नाथ। 

पालणिये में पोढ़िया, वीरम दे रे साथ।। 

स्थाई:- म्हाने प्यारा घणा लागे है, बाबा थारा कुंकुं रा पगलिया। 

चोखा घणा लागे है, बाबा थारा कुंकु रा पगलिया।

कुंकु रा पगलिया, नेनोड़ा पगलिया,

म्हारे मनड़े में भावे है, बाबा थारा कुंकुं रा पगलिया।

मनड़े में भावे है, बाबा थारा कुंकुं रा पगलिया।।

बीज चानणी लियो अवतार बाबा,

गाँव रूणीचो दियो पल में तार बाबा,

भैरु रागस रो कियो संहार बाबा,

मन हरषावे है, बाबा थारा कुंकुं रा पगलिया।।

पीरां रो तो पीर बाबो है नेजाधारी। 

परचा है भारी बाबो लीले री सवारी।

पूजे ध्यावे बाबा थांने नर नारी। 

सुख पहुँचावे है, बाबा थारा कुंकुं रा पगलिया।।

हरजी भाटी थारे चँवर ढुलावे। 

लाछा सुगणा आरती है गावे। 

हर रे चरणों में पुण्य है कमावे। 

जनम तिरावे है, बाबा थारा कुंकुं रा पगलिया।।

द्वारका में धाम थांरो रूणीचा में धाम है। 

राम भी है नाम थांरो विष्णु भी नाम है। 

तीन लोक में तो थारा मोटा-मोटा धाम है। 

भाग जगावे है, बाबा थारा कुंकुं रा पगलिया।।

                    ✪✪✪✪✪

यह भजन भी देखे 

Fakiri Laga Nahi Shabdo Raa Teer फकीरी, लागा नहीं शब्दों रा तीर

Naath Niranjan Aarti Saajhe नाथ निरंजन आरती साजे

Shree Hanuman Chalisa श्री हनुमान चालीसा

Gaiye Ganpati Jag Vandan गाइए गणपति जग वंदन

Sant Sada Sukh Dhara संत सदा सुख धारा

CLOSE ADS

CLOSE ADS