Uncho Re Dewal Devi Ujalo Mataji Bhajan Lyrics ऊँचो रे देवल देवी ऊजलो भजन

ऊँचो रे देवल देवी ऊजलो.... 

स्थाई:- डावोड़ो मारगियों अम्बा जावे रे जैसोणे,

जिमणो नागोणे रे माँय म्हारी माँ। 

ऊँचो रे देवल मैया ऊजलो रे भवानी,

जिमणो नागोणे रे माँय म्हारी माँ,

ऊँचे-ऊँचे मंदिर देवी आप विराजो।।

जिमणे ने चाढ़ूं देवी चूरमो ए भवानी,

डावोड़ा ने लीलोड़ा नारेळ म्हारी माँ अम्बा,

ऊँचो रे देवल मैया ऊजलो।।

आय ले नागोणा री राय म्हारी माँ अम्बा,

ऊँचो रे देवल मैया ऊजलो।।

दूरां ने देशों रा मैया आवे जातरू ए भवानी,

निवण करे नर नार, म्हारी माँ अम्बा। 

ऊँचो ऐ देवल देवी ऊजलो ए भवानी।।

ऊँचे-ऊँचे भाखर मैया आप विराजो,

धजा रे फरुखे असमोन म्हारी माँ अम्बा। 

ऊँचो ऐ देवल देवी ऊजलो ए मैया।।

नागोणा में बणियो थारो देवरो ए भवानी,

मोतिड़ा तपे रे लिलाड़ म्हारी माँ अम्बा। 

ऊँचो ऐ देवल देवी आप विराजो।।

बांझिया रे मांगे देवी पालणो ए मैया,

बांझियाँ ने पुतर देराव, म्हारी माँ अम्बा। 

ऊँचो रे देवल मैया ऊजलो ए भवानी।।

नागोणा सरीखा शहर में ए मैया,

चमक रयो असमान मैया। 

ऊँचो रे देवल देवी ऊजलो ए भवानी।।

सेस कीर्तियों रो झूलरो ए माजी,

भोपोजी पूनम केरो चाँद, मैया 

ए झाड़ जी पूनम केरा चाँद,

ऊँचो रे देवल देवी ऊजलो।।

नागोणा में लीनो अवतार ओ मैया,

नागोणा में लीनो विश्रोम म्हारी माँ अम्बा। 

ऊँचो रे देवल माँजी ऊजलो।।  

भाखर फुलके देवी देवलो ए भवानी,

थारी धजा फरुखे असमान, अम्बे। 

ऊँचो रे देवल मैया ऊजलो ए भवानी।।

नगोणे में ऐसो सूरज ऊगियो ए भवानी,

ध्यावे है सभी सारो लोग म्हारी माँ अम्बा। 

ऊँचो रे देवल थारो ऊजलो ए भवानी।।   

आय ले नागोणे री राय म्हारी माँ अम्बा,

ऊँचो रे देवल देवी ऊजलो।।

                  ✽✽✽✽✽

 

यह भजन भी देखे 

Santo Re Mukh Par Barse Noor संतो रे मुख पर बरसे नूर

Bhuriya Baba Bhajan Lyrics भूरिया बाबा

Gujari Chali Mela Me गुजरी चाली मेला में

Rang Lago Ji Mhane Kodh रंग लागो जी म्हाने कोड

Deenanath Meri Baat Chani Koni Tere Se दीनानाथ, मेरी बात, छानी कोनी तेरे से

CLOSE ADS

CLOSE ADS