Rani Dawa Haath Me Bhajan Lyrics राणी डावा हाथ में दिवलो

राणी डावा हाथ में दिवलो..... 

दोहा:- रावलमाळ दे कोपिया ने, सूता महलां माँय। 

रे थाल लीनो रूपां हाथ में, आ रावळ मनावा जाय,

रुपा दे राणी आ रावळ मनावा जाय।।

स्थाई:- राणी डावा हाथ में , अब दिवलो झेलियो ने जिमणे हाथ जिमवा रो थाल। 

रूपां रमझम करता, महले पधारिया ने, परा उठो मेवा रा माल। 

राणी राम रा भजन में, हालो प्राणिया ने भव जल उतरो थे तो पार। 

भाई हरि रा भजन में, हालो प्राणिया ने भव जल उतरो थे तो पार।।

राणी उंगाणा नरां ने, सोरा जगावणा ने जागता नी जागे रावल माल। 

राणी पलक पसेड़ो, रूपां खेंचियो ने ज्यूं जगाया वासंग नाग।।

राजा रेशम ताजणो, लीनो हाथ में, परो फेरयो राणी रे डील। 

राणी थाल सोवनो, रूपां पटकियो ने झारी पहुँची पियालां माँय।।

राणी अमर जोत तो, चढ़ी आकाशे पग पहुँच्यो पियालां माँय। 

रूपां माथा कँवल ने, ऊँचो रे देखियो ने तीन लोक मुखड़ा रे माँय। 

राणी थारी कळा ने, पारी सोमटो ने परा मरे मेवा रा माल। 

राणी रावळ कोपे ने थर थर धूजे, भजो भजो ईश्वर रा जाप।

राजा सहदे सरगे, अरे जग भेला रमिया ने हमें मिळो सरगों रे माँय। 

राजा नेम धरम सूँ, अरे हालो राजवी ने राज करो थे रावळ माल।।

रूपां गुरु उगम जी, अरे जग में भेटिया ने जाय मिल्या प्रभु सूं आज। 

राणी खम्मा माल ने, अरे खम्मा करुं रे खमा खमा जुगड़ा रे माँय।।

                                     ✪✪✪✪✪       

यह भजन भी देखे 

Ganpati Aaj Padharo गणपति आज पधारो, श्री रामजी की धुन में भजन

Maharaj Gajanand Aawo महाराज गजानंद आवो

Bhuriya Baba Bhajan Lyrics भूरिया बाबा

Hoi Javo Santh होई जावो संत सुधारो

Dholi Dholi Re Dhwaja धोळी-धोळी रे धजा फरुखे रे

CLOSE ADS

CLOSE ADS