नाम रो दीवानो ज्यां रो.....
स्थाई:- नाम रो दीवानो ज्यां रो, कोई क्या करे रे।
ज्यां ने देख्यां भूत भागे, काळ जम डरे रे।।
अजर प्याला ज्यां रे जोगी, सुन में झरे रे।
पी ले जोगी अमर हो जा, जनमें ना मरे रे।।
दिन में एक सूरज चमक्यो, ज्यां री अमियाँ झुरे रे।
देखे जोगी अमर हो जा, भण्डारा भरे रे।।
अष्ट सिद्धि नवनिधि ज्यां री, हाजरी भरे रे।
पी ले जोगी अमर हो जा, भण्डारा भरे रे।।
लादूनाथ मिल्या गुरु पूरा, मिल्या कारज सरे रे।
केवे किशनानाथ जोगी, जनमें ना मरे रे।।
✽✽✽✽✽
❤ यह भजन भी देखे ❤
.png)
0 टिप्पणियाँ