Gavatri Re Paap Su O Raj Bhajan गावतरी रे पाप सूं ओ राज

गावतरी रे पाप सूं ओ राज


दोहा: साखी है गौ मात री,

सब जन धरजो ध्यान।

चित्त लगाकर सुणजोथांने,

सन्त दिरावे आण॥

 

स्थाईः अरे जागो भायो नींद सू ओ राज,

एडो वारो आवेला रे।

गावतरी रे पाप सूं ओ राज,

इन्दर रूठ जावेला रे॥

 

गायों ने मत मारजो हो राज,

इण री हाय लागेला रे।

गऊ हाय रे कारणे ओ राज

सांवरो रूठ जावेला रे।

गऊ पाप रे कारणे ओ राज

रामजी रूठ जावेला रे।

मिनख मजूरी ने जावसी ओ राज

आपो आप लड़ेला रे॥

 

सरवर सूखा होवसी ओ राज

नाडों रा नीर सूखेला रे।

गऊ हाय रे कारणे ओ राज,

इन्दर रूठ जावेला रे।

अरे कुआ बावड़ी सूखसी ओ राज,

जळ रा जोंदा पड़ेला रे।

हरियो वन ढूंठो होवसी ओ राज

जिण रा पान झड़ेला रे॥

 

चलती नदियाँ सूखसी ओ राज

जिण में रेत उड़ेला रे।

सूनी धरती होवसी ओ राज,

अन रा जोंदा पड़ेला रे।

डूंगरिये दव लागसी ओ राज

सूरज आग वरेला रे।

अवन-पवन दोय कांपसी हो राज

गगन में धूड़ झुरेला रे॥

 

चेतो म्हारा बांधवा ओराज

जनमता बाळ डरेला रे।

अरे दूध बिना वे डूंबड़ा ओ राज

जगत में जोंदा पड़ेला रे।

सेवा करे जो गाय री ओ राज

इन्दर घणो वरेला रे।

लीला लहरों होवसी ओ राज

सांवरो कष्ट हरेला रे॥

 

मुनि महाराज गुरु बोलिया ओराज,

संत थोरी साख भरेला रे।

गौ माता थाने तारसी ओ राज

भव सूं पार करेला रे।

जोरावर री वीणती ओ राज,

गायां दुखड़ो हरेला रे।

मोइनुद्दीन कहे मानजो ओ राज

थारे सम्पति वेला रे॥

     ✽✽✽✽✽

यह भजन भी देखे 

Mhe To Aya Aya Thare Darbar Balaji Bhajan Lyrics

Raaj Ghanawar Vanka Ne Bhajan Lyrics

Radha Lili Pili Sadi Bhajan Lyrics

Thara Parcha Ro Nahi Paar Ramdevji Bhajan Lyrics

Kya Leke Aya Jagh Mei Bhajan Lyrics

एक टिप्पणी भेजें

0 टिप्पणियाँ