भगतां रो हेलो सुणने आवजो....
स्थाई:- भगतां रो हेलो सुणने आवजो म्हारी करणी माता,
नित उठ जोडूं थांने हाथ ओ म्हारी करणी माता,
नित उठे जोडूं थांने हाथ।।
भगतां पर छतर छाया राखजो करनल किनियाणी,
राखो भगत वाली लाज ओ म्हारी करणी माता,
राखो भगत वाली लाज।।
धोरां में बणियो थारो देवरो म्हारी करणी माता,
शोभा है अपरम्पार ओ म्हारी करणी माता,
शोभा है अपरम्पार।।
भगतां ने मोटो थांरो आसरो करनल किनियाणी,
मोटो है थांरोड़ो आधार ओ म्हारी करणी माता,
मोटो है थांरोड़ो आधार।।
चारण कुल में अवतारी आप हो म्हारी करणी माता,
जाणे है जुग संसार ओ म्हारी करणी माता,
जाणे है जुग संसार।।
कर में त्रिशूलधारी आप हो म्हारी करणी माता,
शोभा है अपरम्पार ओ म्हारी करणी माता,
शोभा है अपरम्पार।।
ढ़ोल नगारा बाजे नौबतां करनल किनियाणी,
झालर री गूंजे झणकार ओ म्हारी करणी माता,
झालर री गूंजे झणकार।।
काबा हजारुं थारे आँगणे म्हारी करणी माता,
भगतां री लागे है कतार करनल किनियाणी,
भगतां री लागे है कतार।।
शरणे आयां री लज्या राखजो म्हारी करणी माता,
कीजो सकल री स्याय ओ म्हारी करणी माता,
कीजो सकल री स्याय।।
विपदा री वेळा वेगी आवजो करनल किनियाणी,
दर्शन दीजो म्हाने आय ओ म्हारी करणी माता,
दर्शन दीजो म्हाने आय।।
भगत मोइनुद्दीन आपरो म्हारी करणी माता,
आयो है थारे दरबार ओ करनल किनियाणी,
आयो है थारे दरबार।।
चरणां री दीजो म्हाने चाकरी करनल किनियाणी,
कर दीजो इतनो उपकार ओ म्हारी करणी माता,
कर दीजो इतनो उपकार।।
✽✽✽✽✽
यह भजन भी देखे
.png)
0 टिप्पणियाँ