कमर कसी तलवार धाड़वी
स्थाई:- कमर कसी तलवार धाड़वी, कमर कसी तलवार धाड़वी रे।
कोई सोवन कटारो हाथ में जैसल के रे, हे जी, हो जी, हो जी।।
आयो विकट तूफ़ान गाँव में, आयो विकट तूफान रे।
पणिहारयां घड़ला फोड़िया पिणघट पे रे।।
सामी मिल गई सांढ भूरड़ी, सामी मिलगी सांढ रे।
जिण ऊपर बैठो बाणियो लूटूंला रे।।
धन दौलत ले जाय धाड़वी, धन दौलत ले जाय रे।
दुनियाँ में जिन्दो छोड़ दे धाड़ेचा रे।।
लेवां मिनख ने मार बाणिया, लेवा मिनख ने मार रे।
मैं जैसल कहिजूं धाड़वी माण्योड़ो रे।।
करवा लागो दान बाणियो, करवा लागो दान रे।
काँहि साधु स्वामी जाणिया तूं म्हाने रे ।।
बूढ़ा माँयर बाप धाड़वी, बूढ़ा माँयर बाप रे।
म्हारे नैना-नैना बालक नगरी में रे।।
करवा लागो याद बाणियो, करवा लागो याद रे।
दुर्बल रो हेलो सांभलो अन्नदाता रे।।
काना पड़ी आवाज भगत री, काना पड़ी आवाज रे।
चौपड़ ने आगी मेल दी बाबाजी रे।।
होय लीले असवार बाबजी, होय लीले असवार रे।
बाण्यां री वारां चढ़ गया बाबाजी रे।।
पाछो मुड़ने देख धाड़वी, पाछो मुड़ने देख रे।
आ हीरा भरयोड़ी बालदड़ी लूटे नी रे।।
दीवी कला बरताय बापजी, दीवी कला बरताय रे।
जैसल ने आंधो कर दियो बाबाजी रे।।
ले ले तीन तलाक धाड़वी, ले ले तीन तलाक रे।
नहीं साधु स्वामी लूटसूं , दुनियाँ में रे।।
आया भगत री बेल बाबजी, आया भगत री बेल रे।
दुर्बल रो हेलो सांभल्यो अन्नदाता रे।।
सब सूं मीठो बोल भाईड़ां, मुख सूं मीठो बोल रे।
दुनियाँ में थोड़ो जीवणो भाईड़ां रे।।
✽✽✽✽✽
यह भजन भी देखे
Gori Ke Nanda Gajanand Bhajan Lyrics गौरी के नन्दा गजानन
Odhi Ke Pankheru ऑडी के पंखेरू
Kanji Para Utho Ankho Maathe कानजी परा उठो नी आँखों माथे
Darudiya Ne Algo Balo Re दारुढिया ने अलगो बालो रेी
Chausat Jogani Mataji Bhajan Lyrics चौसठ जोगणी
CLOSE ADS
CLOSE ADS
0 टिप्पणियाँ