म्हें तो आया आया थांरे दरबार बजरंग बालाजी
स्थाई:- म्हें तो आया आया थांरे दरबार बजरंग बालाजी।
चरणां में चाकर म्हाने राखजो।।
राम सिया रा प्यारा बजरंग, शिवजी रा अवतारी।
पवन देव रा पुत्र कहावो, माता अंजनी थांरी।
थांने ध्यावे-ध्यावे सब संसार, बजरंग बालाजी,
चरणां में चाकर म्हाने राखजो।।
मेहन्दीपुर में धाम कहावे, जग में परचा भारी।
काया कष्ट मिटावो जग में, भीड़ पड़े भगतां री।
थांरी लीला रो तो कोनी पार, बजरंग बालाजी,
चरणां में चाकर म्हाने राखजो।।
लाल धजा आसमान फरुखे, शोभा जग सूं न्यारी।
मेहन्दीपुर रा बालाजी री, मूरत लागे प्यारी।
थांरे द्वारे आवे सब संसार, बजरंग बालाजी,
चरणां में चाकर म्हाने राखजो।।
घिरत चूरमा और मिठाई, मिन्दर में भोग चढ़ावे।
धूप दीप सूं करे आरती, मनचाया फल पावे।
थांरी गूंजे चारुं खूंट में जयकार, बजरंग बालाजी,
चरणां में चाकर म्हाने राखजो।।
धिन मेहन्दीपुर धरती बाला, जिण में थांरो धाम।
दास अशोक कहे सुण बाला, मोटो थांरो नाम।
म्हाने देवो भक्ति रो वरदान, बजरंग बालाजी,
चरणां में चाकर म्हाने राखजो।।
✽✽✽✽✽
यह भजन भी देखे
Raam Naam Ladudo राम नाम लाडूड़ो
Sang Chadhe Veer Hanuman संग चढ़े वीर हनुमान
Bhilani Rangili Bhajan Lyrics भीलणी रंगीली
Shravan kumar Bhajan Lyrics
Darghah Me Arji Sunawa दरगाह में अरजी सुणावां
CLOSE ADS
CLOSE ADS
.png)
0 टिप्पणियाँ