Satjugo Ra Beta Shrawan Eda To Hua Bhajan Lyrics सतजुगों रा बेटा श्रवण एड़ा तो हुआ

सतजुगों रा बेटा श्रवण एड़ा तो हुआ  

स्थाई:- सतजुगों रा बेटा श्रवण एड़ा तो हुआ, संतो एड़ा तो हुआ। 

माँ बाप री कावड़ लेने गंगा जी गया, ऐ हाँ।।

आज काल रा छोरा संतो ! एड़ा तो हुआ, संतो एड़ा तो हुआ।

परणी नार ने लेय ने भायां, न्यारा तो हुआ ऐ हाँ।।

सतजुगों रा साधु सन्तों एड़ा तो हुआ, संतो एड़ा तो हुआ। 

हरि भजनां रे कारणे, अन धन त्याग दिया, ऐ हाँ।।

आज काल रा झूठा साधु एड़ा तो हुआ, संतो एड़ा तो हुआ।

तिलक लगावे भगवां पेरे, पीवे दारु रा कूंपा, ऐ हाँ।।

सतजुगों रा चेला सन्तों एड़ा तो हुआ, संतो एड़ा तो हुआ। 

गुरु आज्ञा रे कारणे, शीश काट ने दिया, ऐ हाँ।।

आज काल रा चेला सन्तों ! एड़ा तो हुआ, संतो एड़ा तो हुआ।

गुरु जी री गादी लेवण वे तो, गंगाजी गया, ऐ हाँ।।

म्हारा घरों ने सीरा लापसी, थांरो ने खाटी छाछ। 

इतना सूं भी नहीं माने तो, माथो फोड़ मर जा,ऐ हाँ।।  

मात-पिता ने भूण्डा बोले, सासरियो में सीधा। 

केवे सतगुरु सुणो रे मानवी, नरक पुरी जाई सीधा, ऐ हाँ।। 

                                   ✪✪✪✪✪

यह भजन भी देखे 

Raam Naam Ke Hire Moti Bhajan Lyrics

Ganesh Ji Aarti श्री गणेशजी की आरती

फूलों में सज रहे हैं, श्री वृंदावन बिहारी Fulo Me Sajh Rahe Hein Shree Vrandavan Bihari

Meh Thane Sinvaru Gajanand Deva Bhajan Lyrics मैं थाने सिंवरू गजानन देवा

Vaari O Gurudev Aapne Balihari वारि ओ गुरुदेव आप ने बलिहारी

CLOSE ADS

CLOSE ADS